Xa está dispoñible o tríptico de Nadal 2020.
Co gallo da celebración do Mes e da Semana da Ciencia, o día 17 de novembro fixemos unha visita cos alumnos de Sexto de Primaria á Aula da Natureza da Siradella, no Grove. Os alumnos participaron na elaboración de varios experimentos científicos relacionados co electromagnetismo, as densidades, a vulcanoloxía, a pigmentación..., e logo visitaron os miradoiros do Monte e o Dinamizador da Biblioteca explicoulles diversos aspectos relacionados coa formación do istmo da Lanzada, a Ría de Arousa, a Zona Intermareal Umia-O Grove, o Parque Nacional Das Illas Atlánticas, etc.
En consonancia coa implicación da Biblioteca Escolar na Axenda 2030 das Nacións Unidas e a promoción dos seus obxectivos e metas, organizamos unha serie de andainas pola vila do Grove, dirixidas aos alumnos de Primaria, para fomentar hábitos de vida saudable, o coñecemento e posta en valor dos valores intrínsecos do noso pobo (edificios, parques, persoas, paisaxes e xeografías varias, tales coma illas, praias, montes, enseadas, actividades económicas, focos de atracción turística, cultura, tradicións, lugares protexidos polo seu gran valor medio ambiental, etc...) e a implicación na súa protección e o seu coidado. Estas andainas repetirémolas tamén nos segundo e terceiro trimestres, visitando lugares diferentes. Aquí vos deixamos unha mostra das andinas.