Supoño que coa pista do "papeleo" acertarías o protagonista do Dontest, pero por se tiñas algunha dúbida, é Anxo, o secretario do cole, o que responde ás preguntas esta semana.
1. Lembras quen te ensinou a ler?- Coido que sería na escola, unha mestra que se chamaba Dona Magdalena
2. Cal foi o primeiro libro que liches?
- A parte dos que había de texto, un que me prestara o meu mestre e que tiña varios relatos diferentes. Non me lembro do título.
3. Cal é o teu libro favorito?
- Teño moitos, pero "Sempre en Galiza" de Castelao, por dicir un. Tamén Scorpio, de Carballo Calero.
4. E o teu autor/a preferido/a?
- Tamén teño varios, pero agora poderíache sinalar aos dous mencionados antes, a Méndez Ferrín...
5. Cal é o último libro que liches?
- Unha biografía de Ramón Cabanillas
6. Cantas horas les á semana?
- Non teño horas fixas dedicadas á lectura. Podo pasar dous ou tres días sen ler máis que o obligado, ou pasarme tres, catro, cinco ou máis lendo.
7. Agora estás a ler....
- "Os libros arden mal", de Manolo Rivas
8. Para rematar, un lugar e un momento para ler.
- Mellor á noite e nas vacacións e fins de semana case xa na madrugada.
2 comentarios:
Moi chulo o DONTEST do noso profe!
Segue así, Donte!
P.D.: Xa sabe Donte quen sou co o de "Noso Profe"
Poderías ser calquera dos 20 nenos da clase de 5ºA, calquera dos nenos aos que Anxo imparte francés...
Publicar un comentario