Ola
nenos e nenas! Como estades? Espero que esteades ben de saúde todos vós e as
vosas familias. Agora que podedes saír un pouco da casa, seguro que vos sentides mellor.
Dende o principio deste confinamento o Equipo de Biblioteca animouvos a ler
todos os días uns minutos por pracer (media hora mínimo sería o ideal), como un tempo de lecer. O mes de maio é o mes “Das Letras
Galegas”. Este ano está dedicado a Ricardo Carvalho Calero. Déixovos un enlace sobre o
autor:
https://www.lingua.gal/o-galego/promovelo/dia-das-letras-galegas
Para
conmemorar este mes, queremos animarvos a que leades libros e contos en
galego. Ademais, tamén queremos propoñervos algunhas actividades:
•
Lede, é moi importante, e este mes, especialmente, lede en galego.
•
Facede toda a familia un audioconto lendo un conto en galego.
Cada
membro da familia pode ser unha personaxe do conto e ler a parte
que lle corresponda. Logo, enviade o audioconto ao correo do colexio
para subilo ao blogue da Biblioteca.
•
Escribide un pequeno relato en galego. Pode ser de calquera tema, de ficción,
ou reflexando o que estás facendo neste tempo de confinamento e como te sentiches durante
as semanas pasadas, ou como e te sentes agora.
Procura
coidar a limpeza, a redacción e a ortografía. Podedes facelo a man ou no
ordenador (preferible para o envío posterior). Cando o remates, envíao ao correo do centro. Aínda
que non son actividades obrigatorias, gustaríanos moito que vos animarades participar. A
lecto-escritura, a creación literaria, son competencias moi importantes para vós e deberiades
practicalas a miúdo. Moitas grazas!
Tamén
vos deixo este enlace para unha obra de teatro de Mamá Cabra titulada
“15 primaveras”, para que a vexades en
familia. Espero que vos guste.
Unha
aperta enorme de parte de todos os “profes” do Equipo de Biblioteca.
No hay comentarios:
Publicar un comentario